დმანისის მუნიციპალიტეტი
ოფიციალური ვებგვერდი
0360 22 24 64
ცხელი ხაზი
სიახლეები

 

ანსამბლი „მართვე“ - ს დამაარსებლის, ქართული ხალხური ცეკვის ქორეოგრაფის გივი ტატიშვილის ხსოვნის საღამო
03 დეკ 2017
 

მიმდინარე წლის 3 დეკემბერს ა(ა)იპ დმანისის კულტურისა და ხელოვნების ცენტრის საკონცერტო დარბაზში ბავშვთა სანიმუშო ანსამბლის „მართვე“ - ს ორგანიზებით და დმანისის მუნიციპალიტეტის თვითმმართველობის მხარდაჭერით ჩატარდა ანსამბლი „მართვე“ - ს დამაარსებლის, ქართული ხალხური ცეკვის ქორეოგრაფის გივი ტატიშვილის ხსოვნის საღამო. ქორეოგრაფიულმა ანსამბლმა „მართვე“ წარმოადგინა ცეკვები.
ღონისძიებაში მონაწილეობდნენ ა(აიპ) დმანისის კულტურისა და ხელოვნების ცენტრთან არსებული ანსამბლები და სტუდიები.
გივი ტატიშვილის მოღვაწეობის შესახებ ისაუბრეს მისმა მეგობრებმა, მოსწავლეებმა, მშობლებმა, მამა დიონისემ, ქორეოგრაფიული კავშირიდან მოწვეულმა სტუმრებმა.
გივი ტატიშვილი ქორეოგრაფიულ მოღვაწეობას ეწეოდა გასული საუკუნის 90-იანი წლებიდან და გამოზრდილი ჰყავს არაერთი თაობა, იგი წლების განმავლობაში იყო კულტურის სახლის ქორეოგრაფი, 2001 – 2006 წწ. მუშაობდა კულტურის სახლის დირექტორად. 
მისი დაუღალავი შრომის შედეგად ჩამოყალიბდა ბავშვთა ქორეოგრაფიული ანსამბლი ,,მართვე“, რომელიც არაერთი ფესტივალის და კონკურსის მონაწილე და გამარჯვებულია, როგორც საქართველოში, ასევე საზღვრებს გარეთ.
გივი ტატიშვილი იყო საქართველოს ქორეოგრაფთა კავშირის წევრი.
საღამოს ესწრებოდნენ დმანისის მუნიციპალიტეტის ხელმძღვანელი პირები.
ღონისძიება ტექნიკურად უზრუნველყო ა(ა)იპ კულტურისა და ხელოვნების ცენტრმა.

 
 
მნახველთა რაოდენობა: 5616
 
 
 
სიახლეები
 

    2024 მარტი
    ორშსამოთხხუთპარშბკვ
    123
    45678910
    11121314151617
    18192021222324
    25262728293031
     
    სიახლეები