Dmanisi Bələdiyyəsinin meri Koba Muradaşvili Şindlər kəndində müasir standartlara cavab verən yeni mini idman meydançasının açılışını edib.

Koba Muradaşvilinin sözlərinə görə, idman infrastrukturunun təşkili gənclərə idmanla fəal məşğul olmaq, asudə vaxtlarından düzgün istifadə etmək, dostluq etmək və sağlam həyat tərzi sürmək imkanı verir.

Layihənin dəyəri 116 000 lari təşkil edir və bütünlüklə yerli büdcədən maliyyələşdirilib.

İdman meydançasının açılış mərasimində bələdiyyə rəhbərləri, kənd əhalisi və gənclər iştirak ediblər.