Dmanisi Bələdiyyəsi Meriyasının təşkilatçılığı ilə 26 may tarixində Gürcüstanın Müstəqillik Günü təntənəli şəkildə müxtəlif tədbirlərlə qeyd olundu. Bələdiyyə rəhbərləri ruhanilərlə birlikdə vətəndaşları Müstəqillik Günü münasibətilə təbrik etdilər.

Bayram proqramı çərçivəsində sərgilər təşkil edildi. Yeni heykəlin təntənəli açılışı oldu və pantomima teatr yürüşü keçirildi. Xüsusi ayrılmış yerlərdə uşaq və foto zonaları yerləşdirildi, gülçü guşəsi təşkil edildi və tarixi aksesuarlar üzrə masterklas keçirildi.

İdman həvəskarları üçün şahmat və qol güləşi turnirləri təşkil olunmuşdu. Gün ərzində isə bayram konserti keçirildi. Bayram tədbiri səmaya helium şarlarının buraxılması ilə başa çatdı.