Beynəlxalq Gənclər Günü ilə əlaqədar “Yerli Özünü idarə etmə Gənclər Forumu: Gənclərin Sosial və İqtisadi Gücləndirilməsi naminə” tədbir keçirilmişdir ki, tədbirdə Kvemo Kartli üzrə Dövlət nümayəndəsi Giorgi Doxturişvili, Dmanisi Bələdiyyəsinin meri Koba Muradaşvili və Sakrebulonun sədri Paata Kuliaşvili iştrak etdilər.
Forumda Şurasının koordinatoru Mariam Kochoradze gənclərin özünü idarə prosesində əməkdaşlığının əhəmiyyətini bölüşüb. Qeyd edək ki, Dmanisi bələdiyyəsinin merinin gənclər şurası Gürcüstanda fəaliyyət göstərən 25 gənclər şurası arasından uğurlu komandalardan biri kimi seçilib.
Onların tövsiyyəsi əsasında Meriya gənclərin müvafiq infrastruktur və istirahət məkanı ilə təmin olunduğu, yerli özünü idarə etmə orqanlarının qərar qəbul etmə prosesində iştirak etmək, öz ideya və təşəbbüslərini səsləndirmək imkanı əldə etdikləri mühit yaradıb.
Tədbirdə həmçinin Gürcüstanın təhsil, elm və gənclər naziri Giorgi Amilaxvari, Gürcüstan parlamentinin Təhsil, elm və gənclərlə iş üzrə komitəsinin sədri Givi Mikanadze, Rustavi şəhərinin meri Nino Latsabidze və Tbilisi şəhər şurasının sədri Giorgi Tkemaladze, Rustavi və Qardabani üzrə parlament deputatı İrakli Şatakişvili, Tbilisi şəhər şurasının üzvləri, mərkəzi və yerli hökumət nümayəndələri, dəvət olunmuş qonaqlar , Dmanisli gənclər və digər şəxslər iştirak ediblər.
Forumun keçirilməsində məqsəd bələdiyyələr arasında əməkdaşlığın dərinləşdirilməsi, gənclərin yerli hakimiyyət orqanları ilə ünsiyyətinin yaxşılaşdırılması, gənclər siyasətinin həyata keçirilməsinin təşviqi olub.
