Dmanisi Bələdiyyəsinin meri Koba Muradaşvili Qanaxleba kəndində yeni süni örtüklü idman meydançasının açılışını edib.
Bələdiyyə sədri qeyd edib ki, layihə “Kəndlərə Dəstək Proqramı” çərçivəsində həyata keçirilib. Onun sözlərinə görə, bu, Qanaxleba, Velispiri, Sarkineti kəndlərinin birgə layihəsidir və mərkəzi və yerli büdcələrdən maliyyələşərək həyata keçirilir. İşlərin ümumi dəyəri 102 475 lari təşkil edir.
Açılış mərasimində bələdiyyə sədrinin müavinləri, Sakrebulo üzvləri və kənd əhalisi iştirak edib.
