სიახლეების გამოწერა

მიმდინარე წლის, 30 ოქტომბერს, დმანისის მუნიციპალიტეტის დაკვეთით, მერიის საკონფერენციო დაბრაზში, საფინანსო ანალიტიკური სამსახურის მიერ, ჩატარდა ტრენინგი, რომელიც მიზნად ისახავს, დმანისის მუნიციპალიტეტის დაქვემდებარებაში არსებული ააიპ- იების საქმისწარმოების ავტომატიზირებულ სისტემაზე (e document) გადაყვანას.

საოფისე დოკუმენტაციის ეფექტური ელექტრონული მართვა და საჭირო დოკუმენტებსა და დავალებებზე სწრაფი წვდომა არის კრიტიკული საკითხების დროული გამკლავების ერთ-ერთი აღიარებული და მიღებული გზა.

საქმისწარმოების ელექტრონული სისტემა არის ინოვაციური და პროგრესული პროდუქტი, რომელიც ბიზნეს-პროცესების მაქსიმალურ გამარტივებას და ხელმისაწვდომობას უზრუნველყოფს. სისტემა სამსახურებრივი დოკუმენტების ქაღალდის გამოუყენებლად მოძრაობის საშუალებას იძლევა. სისტემის მეშვეობით მარტივად ხდება დავალებების, მათზე რეაგირებისა და სხვა ორგანიზაციული საკითხების მუდმივი მონიტორინგის პროცესის განხორციელება.

სისტემას ანალოგიურ ელექტრონულ პროდუქტებთან მიმართებაში გააჩნია ისეთი უპირატესობები, როგორიც არის: 

➡️ დროისა და საბიუჯეტო სახსრების მნიშვნელოვანი დაზოგვა;

➡️ დავალებების ეფექტური მართვა;

➡️ MS Office-თან სინქრონიზებულობა;

➡️ სამეურნეო ხარჯების შემცირება;

➡️ ავტომატიზებული სკანირება;

➡️ უსაფრთხოების მაღალი ხარისხი;

➡️ მუდმივი ტექნიკური მხარდაჭერა;

➡️ დანერგვის მოქნილი სისტემა