შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
ჟვანიას სკოლა დმანისის მუნიციპალიტეტის მერიაში დასაქმებულ ეროვნული უმცირესობების წარმომადგენლებს სახელმწიფო ენას შეასწავლის
დღეს, სსიპ ზურაბ ჟვანიას სახელობის სახელმწიფო ადმინისტრირების სკოლის დმანისის რეგიონულ სასწავლო ცენტრში სახელმწიფო ენის სწავლების პროგრამის ფარგლებში ახალი სასწავლო ჯგუფი გაიხსნა.
დმანისის მუნიციპალიტეტის მერიაში დასაქმებული ეროვნული უმცირესობების 23 წარმომადგენელი A 1 დონის კურსზე, 2 სასწავლო ჯგუფში სახელმწიფო ენას შეისწავლიან. ტრენინგები ჟვანიას სკოლის დმანისის რეგიონულ სასწავლო ცენტრში ჩატარდება და მას ტრენერები ნაზი იასაღაშვილი და ქეთევან გიორგაძე წარუძღვებიან.
მსმენელებს სწავლის დაწყება მიულოცეს ჟვანიას სკოლის პროექტების მართვისა და პარტნიორ ორგანიზაციებთან ურთიერთობის კოორდინატორმა მარიკა ციბაძემ, დმანისის მუნიციპალიტეტის მერის მოადგილემ არიფ სულეიმანოვმა, წარმომადგენელთა კოორდინაციის განყოფილების ხელმძღვანელმა თემურ ზურაბიშვილმა, ჟვანიას სკოლის დმანისის რეგიონული სასწავლო ცენტრის ადმინისტრატორმა ლია სიხუაშვილმა.
მსმენელებს საჩუქრად გადაეცათ სახელმწიფო ენის სწავლების პროგრამის სახელმძღვანელოები.
