სიახლეების გამოწერა

 8 აგვისტოს, ქალაქ დმანისში, რუსული აგრესიის შედეგად საქართველოს ერთიანობისთვის ბრძოლაში დაღუპული გმირების პატივსაცემად, დმანისის მუნიციპალიტეტის მერმა - გიორგი ტატუაშვილმა თვითმმართველობის წარმომადგენლებთან ერთად ომში დაღუპული გმირების მემორიალი გვირგვინით შეამკო და წუთიერი დუმილით პატივი მიაგო დაღუპულთა ხსოვნას.

დმანისის სულთმოფენობის სახელობის ტაძრის მოძღვარმა - მამა გიორგიმ დაღუპული მებრძოლი გმირების სულის მოსახსენიებელი პანაშვიდი აღავლინა.

2008 წელს რუსეთის აგრესიის დროს საქართველომ 169 სამხედრო მოსამსახურე, 16 პოლიციელი და 188 მშვიდობიანი მოქალაქე დაკარგა.