სიახლეების გამოწერა

როგორც დმანისის მერი აღნიშნავს, ქალაქ დმანისის N1, N2 და სოფელ - განთიადისა და ჯავახის საბავშვო ბაღებში სამუშაოები ახლახანს დაიწყო და რეაბილიტაციასთან ერთად საქვაბის ფართის მიშენების სამუშაოები (ბოსლების, გომარეთის, მაშავერის, სარკინეთის, ასევე ქალაქ დმანისში ვაჟა ფშაველას ქუჩაზე მდებარე ბაღში) მიმდინარეობს.
"პროექტი, რომლის ღირებულება 2092663 ლარია, ცენტრალური და ადგილობრივი ბიუჯეტის დაფინანსებით ხორციელდება. პროექტის ფარგლებში მოეწყობა ცენტრალური გათბობა, სააღმზრდელო ოთახები, საძინებლები, სამზარეულო და სველი წერტილები. აღნიშნულ პროექტს ექნება დადებითი ზემოქმედება სოციალურ გარემოზე. ადგილობრივი მოსახლეობა უზრუნველყოფილი იქნება თანამედროვე სტანდარტების მქონე საბავშვო ბაღის შენობებით, რაც გამოიწვევს აღსაზრდელებისა და პედაგოგების პირობების მნიშვნელოვან გაუმჯობესებას" - განაცხადა დმანისის მუნიციპალიტეტის მერმა გიორგი ტატუაშვილმა.
სარემონტო სამუშაოები დმანისის მერმა გიორგი ტატუაშვილმა, სივრცითი მოწყობისა და ინფრასტრუქტურის სამსახურის თანამშრომლებთან ერთად ადგილზე შეაფასა.