შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
დმანისის მუნიციპალიტეტის მერი კობა მურადაშვილი, დღეს, მერიის თანამშრომლებს ქვემო ქართლში სახელმწიფო რწმუნებულმა შოთა რეხვიაშვილმა, ბოლნისის, დმანისის, თეთრიწყაროსა და წალკის მაჟორიტარ დეპუტატთან გოგი მეშველიანთან და პარლამენტის წევრებთან, ზაურ დარგალთან და სავალან მირზოევთან ერთად წარუდგინა და მომავალ საქმიანობაში წარმატებები უსურვა.
შეხვედრაზე კობა მურადაშვილმა სამომავლო გეგმებზე ისაუბრა და აღნიშნა, რომ მისთვის მნიშვნელოვანია მომდევნო ოთხი წელი ნაყოფიერი იყოს მუნიციპალიტეტისთვის. სახელმწიფო უწყებების მხარდაჭერით, თანაგუნდელებთან ერთად მოსახლეობის საჭიროებების გათვალისწინებით, საინტერესო და მნიშვნელოვანი პროექტის განხორციელებას შეძლებს.
კობა მურადაშვილი - დმანისის მუნიციპალიტეტის მერი
"მინდა მადლობა გადავუხადო ჩემს ამომრჩეველს ნდობისთვის და გითხრათ, რომ იმედებს არ გაგიცრუებთ, მადლობა რომ მომეცა საშუალება ჩემი მუნიციპალიტეტისთვის, რომლის საჭიროებებსაც საკმაოდ კარგად ვიცნობ, ბოლომდე დავიხარჯო.
დმანისის მუნიციპალიტეტში მთავრობის მხარდაჭერით ბევრი კარგი პროექტი განხორციელდა, თუმცა ჯერ კიდევ ბევრი გამოწვევაა და მაქსიმალურად შევეცდები, ჩემი მერობის პერიოდში, კიდევ უფრო მეტი გაკეთდეს. წინასაარჩევნო შეხვედრების დროს დავინახე პრობლემებიც, რასაც გუნდთან ერთად, აუცილებლად უმოკლეს დროში მოვაგვარებ, მაქვს ათ პუნქტიანი გეგმა".
აღსანიშნავია, რომ შეხვედრა N24 საოლქო საარჩევნო კომისიის თავმჯდომარემ ლევან ნონიაშვილმა გახსნა. მან დამსწრე საზოგადოებას მუნიციპალიტეტის თვითმმართველი თემის მერის არჩევნების შედეგები გააცნო.
