სიახლეების გამოწერა

პროექტის ,,EDKK" ფარგლებში დმანისის მუნიციპალიტეტის მერიის საკონფერენციო დარბაზში შეხვედრა გაიმართა. შეხვედრის ფარგლებში მეცნიერებათა დოქტორმა და კონსულტანტმა სოფლის მეურნეობის დარგში, ნუკრი მემარნიშვილმა ბიოაგროწარმოებაში მცენარეთა დაცვის შესახებ ტრენინგი ჩაატარა. 

შეხვედრას დაესწრნენ, როგორც დმანისის მუნიციპალიტეტში მცხოვრები იძულებით გადაადგილებული პირები, ასევე ადგილობრივი მოსახლეობა, რომლებიც სოფლის მეურნეობის დარგში არსებული სიახლეებით არიან დაინტერესბულნი.

RDFG-ს პროექტის „ეკონომიკური განვითარების ინიციატივები იძულებით გადაადგილებულ პირთათვის სასოფლო-სამეურნეო საქმიანობაში ხელშეწყობის გზით ქვემო ქართლის/კახეთის რეგიონებში“ (EDKK) მიზანს იძულებით გადაადგილებულ ოჯახთა სიღარიბის დონის შემცირება და საარსებო წყაროების განვითარებაში ახალგაზრდების ჩართულობის უზრუნველყოფა წარმოადგენს. აღნიშნული მიზნის მისაღწევად იქმნება სადემონსტრაციო ნაკვეთები – ბენეფიციარების განკარგულებაში მყოფი მიწის ფართობი, რომელიც თანამედროვე სასოფლო-სამეურნეო ტექნოლოგიებით არის აღჭურვილი და ბენეფიციარებს საშუალებას აძლევს ჩაერთონ სამეურნეო პროცესში და მიიღონ მოსავალი. გარდა ამისა, პროექტის ფარგლებში ჩამოყალიბდა ახალგაზრდა ფერმერთა ცენტრები (YFC), რომლებიც რეგიონში მცხოვრები ახალგაზრდებისათვის ლიდერის თვისებების ჩამოყალიბებასა და თანამედროვე აგრო მეწარმეობის სწავლებასა და უპირატესობის ჩვენებას ისახავს მიზნად. მასში ერთიანდებიან როგორც ადგილობრივი, ასევე დევნილი მოზარდები.

აღნიშნული პროექტი გერმანიის ეკონომიკის და განვითარების სამინისტროს (BMZ-ის) მიერ არის დაფინანსებული და მხარდაჭერილია World Vision გერმანიის მიერ.