სიახლეების გამოწერა

მიმდინარე წლის 3 მაისს ქალაქ რუსთავში "სიდას" ორგანიზებით გაიმართა შეხვედრა „არასრულწლოვანთა მართლმსაჯულება და უწყებათაშორისი თანამშრომლობის როლი დანაშაულის პრევენციაში". შეხვედრას ქვემო ქართლის რეგიონში მომუშავე არასამთავრობო ორგანიზაციებისა და ადგილობრივი თვითმმართველობების წარმომადგენლები ესწრებოდნენ. დამსწრე საზოგადოებას "სიდას" და წამების მსხვერპლთა ფსიქოსოციალური რეაბილიტაციისა და დახმარების ცენტრის წარმომადგენლებმა კანონთან კონფლიქტში მყოფი არასრულწლოვნების შესახებ ინფორმაცია გაუზიარეს, ისაუბრეს მოზარდთა რთული ქცევის გამომწვევ მიზეზებზე და არასრულწლოვანთა დანაშაულის პრევენციის საკითხებზე. შეხვედრა გაიმართა პროექტის „დანაშაულის პრევენციის გაუმჯობესება ანტისოციალური ქცევის მქონე და კანონთან კონფლიქტში მყოფი არასრულწლოვნებისთვის“ ფარგლებში, რომელსაც „სიდა“ წამების მსხვერპლთა ფსიქოსოციალური რეაბილიტაციისა და დახმარების ცენტრსა (GCRT) და ინიციატივა მოწყვლადი ჯგუფების რეაბილიტაციისათვის თანამშრომლობით და ევროკავშირის მხარდაჭერით ახორციელებს.