სიახლეების გამოწერა

მიმდინარე წლის 26 მაისს, საქართველოს დამოუკიდებლობის დღის აღსანიშნავად ქალაქ დმანისში, ააიპ კულტურისა და ხელოვნების ცენტრის მიმდებარე ტერიტორიაზე დილიდან გამოიფინა ხატვისა და რეწვის სტუდიის ნამუშევრები.

მოეწყო ეთნოგრაფიული კუთხე. მნახველები გაეცნენ ააიპ კულტურისა და ხელოვნების ცენტრის სტუდიებისა და წრეების მუშაობის ამსახველ სურათებს.

მიმდინარე წლის 25 მაისს ქალაქ რუსთავში, BUSINESS GEORGIA-ს ორგანიზებით ქვემო ქართლის ბიზნეს ფორუმი გაიმართა, რომლის მთავარი მხარდამჭერი ქვემო ქართლის რეგიონული განვითარების სააგენტო და ქვემო ქართლში სახელმწიფო რწმუნებული-გუბერნატორის ადმინისტრაცია გახლდათ. ფორუმში მონაწილეობა დმანისის მუნიციპალიტეტის გამგებელმა გოგი ბარბაქაძემ მიიღო.

მიმდინარე წლის 23 მაისს, ქალაქ დმანისში, დმანისის მუნიციპალიტეტის თვითმმართველობის მხარდაჭერით, ააიპ კულტურისა და ხელოვნების ცენტრში კინოჩვენება გაიმართა. დამსწრე საზოგადოებამ სტუდია „გუთანის” მიერ გადაღებული დოკუმენტური ფილმი – „თავგანწირვის ტაძარი“ ნახა. ფილმი ოჯახის თემას ეხება და ის საქართველოს კათოლიკოს-პატრიარქის ლოცვა-კურთხევით შეიქმნა. 

დმანისელი ფეხბურთელების წარმატება 2017 წლის 15 მაისს ქალაქ დმანისის ცენტრალურ სტადიონზე სამოყვარულო ფეხბურთის ფინალური შეხვედრა გაიმართა. ერთმანეთს ხვდებოდნენ ქალაქ დმანისისა და სოფელ ამამლოს ფეხბურთელთა გუნდები. ძირითადი დრო ფრედ 1:1 დამთავრდა. პენალტების შედეგად კი გამარჯვება მოიპოვეს ქალაქ დმანისის ფეხბურთელებმა.

მიმდინარე წლის 13 მაისს მარნეულის მუნიციპალიტეტში გაიმართა ტურნირი კიკბოქსინგში, სადაც მონაწილეობა მიიღეს დმანისის მუნიციპალიტეტის ჭაბუკ სპორტსმენებმა (სოფლები: საფარლო, ამამლო, მამიშლო). მათ მოიპოვეს სამი ოქროს და 2 ვერცხლის მედალი.

გუნდის მწვრთნელია თუდჯარ ალიევი.

2017 წლის 14 მაისს ააიპ დმანისის კულტურისა და ხელოვნების ცენტრის ფოიეში ჩატარდა ფინალური კონკურსი „კალიგრაფიის მარგალიტები“.

განათლების, კულტურის, სპორტისა და ახალგაზრდობის საქმეთა სამსახურის უფროსი - ეკატერინე ოქრიაშვილი

- კონკურსი მეორე წელია რაც ქვემო ქართლის მასშტაბით ტარდება. მონაწილეობა მიიღო ყველა მუნიციპალიტეტის მეორე ეტაპის გამარჯვებულმა. მონაწილეთა ნამუშევრებში ძალიან საინტერესო ხედვა და ორიგინალობა გამომჟღავნდა. ფინალური კონკურსის შედეგები ივნისის დსაწყისისთვის იქნება ცნობილი და გაიმართება გამარჯვებულების დაჯილდოება სამ ასაკობრივ კატეგორიასა (II-IV; V-VIII; IX-XII კლასები) და სხვადასხვა ნომინაციებში.

მიმდინარე წლის 14 მაისს რუსთავში საქართველოს კონსტიტუციური კანონის პროექტის საყოველთაო–სახალხო განხილვა მოეწყო. დოკუმენტში განსახორციელებელი ცვლილებები, რუსთაველებს საყოველთაო-სახალხო განხილვის საორგანიზაციო კომისიამ ირაკლი კობახიძის ხელმძღვანელობით წარუდგინა. შეხვედრა გიგა ლორთქიფანიძის სახელობის რუსთავის მუნიციპალურ თეატრში გაიმართა, რომელსაც მხარისა და ქალაქის ხელმძღვანელი პირები, პარლამენტში რუსთავის მაჟორიტარი დეპუტატები, პოლიტიკური პარტიების, არასამთავრობო ორგანიზაციების წარმომადგენლები და თემით დაინტერესებული მოქალაქეები დაესწრნენ.

2017 წლის 8 მაისს ქალაქ დმანისში სამოყვარულო ფეხბურთის მუნიციპალიტეტის ნახევარფინალური შეხვედრა გაიმართა.

ერთმანეთს დაუპირისპირდნენ სოფელ ჯავახის და ქალაქ დმანისის, სოფელ ამამლოს და სოფელ შინდლარის გუნდები.

მიმდინარე წლის 10 მაისს ბოლნისის რაიონული პროკურატურის ორგანიზებით, ააიპ დმანისის კულტურისა და ხელოვნების ცენტრის ხატვის სტუდიის აღსაზრდელებმა (პედაგოგი ავთანდილ ნარსავიძე) დმანისში გადასასვლელები მოხატეს. საქართველოს პროკურატურა კამპანიას – „არ დაარღვიო საგზაო მოძრაობის წესები“ პროექტ „საზოგადოებრივი პროკურატურის“ ფარგლებში ახორციელებს და მისი მიზანია მოსახლეობისთვის ავტოსაგზაო შემთხვევების გამომწვევ მიზეზებზე და ქმედებებზე ინფორმირება, სატრანსპორტო დანაშაულზე ცნობიერების ამაღლება და ავტოსაგზაო შემთხვევების პრევენცია.

დმანისის მუნიციპალიტეტის თვითმმართველობის ხელმძღვანელმა პირებმა ფაშიზმზე გამარჯვების 72-ე წლისთავი პირადად მიულოცეს დმანისელ ვეტერანებს, მადლობა გადაუხადეს ქვეყნის წინაშე მათ მიერ გაწეული ღვაწლისთვის და საქართველოს პრემიერ-მინისტრის გიორგი კვირიკაშვილის მისალოცი ბარათები გადასცეს.

აღნიშნული თარიღისადმი მიძღვნილი ღონისძიება დმანისის ახალგაზრდულ ცენტრში, ააიპ კულტურისა და ხელოვნების ცენტრის მხარდაჭერით გაიმართა. საღამო მუსიკალურად გაალამაზა ფოლკლორულმა ანსამბლმა ,,კიდევაც დაიზრდებიან", ინტერნაციონალურმა ანსამბლმა ,,დმანისური აისი. თეატრალური სტუდიის ,,ბერიკები" აღსაზრდელმა ნიკოლოზ ციგრიაშვილმა წაიკითხა ლექსი ,,ღიმილის ბიჭი ვიყავი".

მიმდინარე წლის 4 მაისს დმანისის მუნიციპალიტეტის მოსახლეობას ,,C'' ჰეპატიტის უფასო სკრინინგ-ტესტირება ჩაუტარდა.

მობილური ლაბორატორია დმანისის მუნიციპალიტეტის სოფელ ამამლოს ამბულატორიის შენობასთან 12 საათიდან იყო განთავსებული და ნებისმიერ მოქალაქეს ჰქონდა საშუალება ჩაეტარებინა С ჰეპატიტის უფასო სკრინინგი. აღნიშნული აქტივობა განხორციელდა ,,С'' ჰეპატიტის ელიმინაციის პროგრამის ფარგლებში დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ, დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის და ადგილობრივი საზოგადოებრივი ჯანდაცვის ცენტრის ხელშეწყობით

მიმდინარე წლის 3 მაისს სახალხო დამცველი დმანისის მუნიციპალიტეტის მოსახლეობას შეხვდა.
შეხვედრა კითხვა-პასუხის რეჟიმში წარიმართა.
საუბარი შეეხო იმ პრობლემებს რაც აწუხებს დმანისის მოსახლეობას.

სპორტული პროექტი, რომელიც საქართველოს ფეხბურთის ფედერაციისა და საქართველოს სამოყვარულო ფეხბურთის ასოციაციის ორგანიზებით და ქართული ფეხბურთის განვითარების ფონდთან თანამშრომლობით ხორციელდება, მთელი ქვეყნის მასშტაბით ვრცელდება.

მოყვარულთა თასი 2017 ჩატარდება სამ ეტაპად - მუნიციპალური, რეგიონალური და ფინალური. 
მუნიციპალურ ეტაპზე მონაწილეობას მიიღებენ კონკრეტული მუნიციპალიტეტის გუნდები, რომლებიც იასპარეზებენ თასის სისტემით, ერთ წრედ. მუნიციპალური თასის გამარჯვებული და ზოგიერთ შემთხვევაში, პრიზიორი გუნდი იასპარეზებს რეგიონალურ ლიგაზე.

„ჩვენ თქვენი მეგობრები ვართ“- პროექტის ფარგლებში 1 მაისს ქალაქ თბილისში, გასართობ ცენტრ „მინიონებში“ შშმ და მძიმე ონკოლოგიურად დაავადებული ბავშვებისთვის ღონისძიება გაიმართა.

პროექტის მხარდამჭერია დმანისის მუნიციპალიტეტი.
ღონისძიებაში მონაწილეობა მიიღეს ქართული შოუბიზნესისა და რუსეთიდან ჩამოსულმა კინოსა და თეატრის მსახიობებმა.

დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის, გაზეთი ინტერნაციონალის და ნატალია კვანტალიანის სახელობის სისხლის ცენტრალური ბანკის ერთობლივი ინიციატივით, მიმდინარე წლის 30 აპრილს შპს ახალ სამედიცინო ცენტრში, შეზღუდული შესაძლებლობის სტატუსის მქონე ბავშვებისათვის უანგარო დონორთა აქცია - „გაიღე სისხლი, გადაარჩინე სიცოცხლე“ გაიმართა.

აქციაში მონაწილეობა მიიღეს დმანისის მუნიციპალიტეტის გამგებელმა გოგი ბარბაქაძემ, გამგეობის და საკრებულოს წარმომადგენლებმა, შსს დმანისის რაიონული სამმართველოს თანამშრომლებმა.

მიმდინარე წლის 26-27 აპრილს დმანისის მუნიციპალიტეტის სოფელ განთიადში გაიმართა მინი ფეხბურთი ,,სპორტი ბარიერების გარეშე" - პროგრამის ფარგლებში. სადაც მონაწილეობდა დმანისის მუნიციპალიტეტის შვიდი გუნდი.
გამარჯვება მოიპოვა ქალაქ დმანისის გუნდმა.

მიმდინარე წლის 27 აპრილს დმანისის მუნიციპალიტეტის მოსახლეობას ,,C'' ჰეპატიტის უფასო სკრინინგ-ტესტირება ჩაუტარდა.

მობილური ლაბორატორია დმანისის მუნიციპალიტეტის სოფელ კარაბულახის ამბულატორიის შენობასთან 12 საათიდან იყო განთავსებული და ნებისმიერ მოქალაქეს ჰქონდა საშუალება ჩაეტარებინა С ჰეპატიტის უფასო სკრინინგი.

სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის ეროვნული ცენტრი“ ახორციელებს შემდეგ სპორტულ აქტივობებს: 
1.საბავშვო ქუჩის ფეხბურთის ფესტივალი
2. საბავშვო ქუჩის კალთბურთის ახალგაზრდული ფესტივალი
3.სპრინტი -60 მეტრზე
4. ჭადრაკი

მიმდინარე წლის 25 აპრილს, დმანისის მუნიციპალიტეტის სოფელ განთიადში საზეიმო ვითარებაში გაიხსნა სოფლის ბიბლიოთეკა.

ბიბლიოთეკის გახსნაზე განთიადის საჯარო სკოლის აღსაზრდელებმა წაიკითხეს ცნობილი ქართველი პოეტების ლექსები.

დმანისის მუნიციპალიტეტის გამგებელმა გოგი ბარბაქაძემ და საქართველოს პარლამენტის ეროვნული ბიბლიოთეკის წარმომადგენელმა გურამ თაყნიაშვილმა სიმბოლური გახსნა ლენტის გაჭრით აღნიშნეს.