ქვემო ქართლში სახელმწიფო რწმუნებულმა ილია ჯალაღანიამ, დმანისის მუნიციპალიტეტის მერმა კობა მურადაშვილმა და საკრებულოს თავმჯდომარემ პაატა ყულიაშვილმა მერიის მიმდებარე ტერიტორია გაამწვანეს.
გამწვანების აქციაში ასევე მონაწილეობდნენ რწმუნებულის პირველი მოადგილე იოსებ ალიბეგაშვილი და მერის მოადგილეები: კახა პეტრიაშვილი და თემურ ზურაბიშვილი.
აღნიშნული ინიციატივის ფარგლებში, რომელიც „სერვის ჯგუფის“ ორგანიზებით განხორციელდა, წმინდა ნინოს ქუჩაზე, მერიის მიმდებარედ და ცენტრალურ პარკში ჯამში 86 ძირი სხვადასხვა ჯიშის დეკორატიული მცენარე დაირგო.
„მსგავსი ინიციატივები მნიშვნელოვნად შეუწყობს ხელს ქალაქის იერსახის გაუმჯობესებასა და კომფორტული, ეკოლოგიურად სუფთა გარემოს შექმნას, რაც მუნიციპალიტეტის ერთ-ერთ მთავარ პრიორიტეტს წარმოადგენს“, — განაცხადა დმანისის მუნიციპალიტეტის მერმა კობა მურადაშვილმა.

შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა









































