სიახლეების გამოწერა

დმანისის მუნიციპალიტეტის ახლად არჩეული საკრებულო უფლებამოსილებას შეუდგა

დმანისის მუნიციპალიტეტის მერმა, კობა მურადაშვილმა, ახლად არჩეულ საკრებულოს მიულოცა, წარმატებული და ნაყოფიერი საქმიანობა უსურვა და ხაზი გაუსვა ადგილობრივი თვითმმართველობის გაძლიერების პროცესში ერთობლივი, კოორდინირებული მუშაობის მნიშვნელობას.

სხდომა N24 საოლქო საარჩევნო კომისიის თავმჯდომარემ ლევან ნონიაშვილმა გახსნა. მან დამსწრე საზოგადოებას მუნიციპალიტეტის წარმომადგენლობითი ორგანოს - საკრებულოსა და თვითმმართველი თემის მერის არჩევნების შედეგები კიდევ ერთხელ გააცნო.

დმანისის მუნიციპალიტეტის საკრებულოს თავმჯდომარედ ხმათა უმრავლესობით აირჩეს „ქართული ოცნება – დემოკრატიული საქართველოს“ წარმომადგენელი პაატა ყულიაშვილი. საკრებულოს თავმჯდომარის მოადგილეებად ხმათა უმრავლესობით არჩეული არიან: „ ქართული ოცნება დემოკრატიული საქართველოს“ წარმომადგენლები: პირველ მოადგილედ რამიზ რამაზანოვი, ხოლო მოადგილეებად აზერ ალიევი და ოლეგ გოშუანი.