სიახლეების გამოწერა

მიმდინარე წლის 16 ივნისს, ააიპ დმანისის კულტურის და ხელოვნების ცენტრში ქ. დმანისის N1 საბავშვო ბაღის ორი სასკოლე ჯგუფის გამოსაშვები ღონისძიება გაიმართა. პატარა აღსაზრდელები მაყურებლის წინაშე ქართველი პოეტების შემოქმედებითა და სხვადასხვა მუსიკალური ნომრებით წარსდგნენ. საკონცერტო პროგრამა მდიდარი იყო შემოქმედებითი, თეატრალური და არტისტული უნარით, რაც საბავშვო ბაღის აღმზრდელების წლების განმავლობაში გაწეული ღვაწლის შედეგია. სკოლამდელი აღზრდის დაწესებულების ღონისძიებას დმანისის მუნიციპალიტეტის ხელმძღვანელი პირები და ადგილობრივი თვითმმართველობის თანამშრომლები ესწრებოდნენ. დმანისის მუნიციპალიტეტის გამგებელმა გოგი ბარბაქაძემ აღსაზრდელებს ბაღის დამთავრება მიულოცა - ,,ყველა პატარას ვულოცავ ბაღის დამთავრებას, მინდა ვუსურვო თითოეულ მათგანს წარმატება და სკოლისაკენ მიმავალი გზა დავულოცო, ასევე პედაგოგიურ კოლექტივს დაუღალავი შრომისათვის მადლობა გადავუხადო“. ღონისძიების დასასრულს პარტარებს სამახსოვრო დიპლომები გადაეცათ.