სიახლეების გამოწერა

დმანისის მუნიციპალიტეტის მერიის საკონფერენციო დარბაზში, მუნიციპალური გენდერული საბჭოს წევრებთან, მერიის განათლების, კულტურის, სპორტისა და ახალგაზრდულ საქმეთა სამსახურისა და ჯანმრთელობისა და სოციალური დაცვის სამსახურის წარმომადგენლებთან, პროექტის ფარგლებში: "სოფლად ცხოვრები ქალები ინკლუზიური და სამართლიანი ადგილობრივი განვითარებისთვის" სამუშაო შეხვედრა გაიმართა.

პროექტის მიზანია: ქვემო ქართლის რეგიონში მოსახლეობის სოციალურ-ეკონომიკური მდგომარეობის გაუმჯობესება და სიღარიბის შემცირება ადგილობრივ ეკონომიკურ განვითარებაში სოფლად მცხოვრები ქალების აქტიური მონაწილეობის ხელშეწყობით.

აღნიშნულ პროექტს ახორციელებს საქართველოს აზერბაიჯანელ ქალთა კავშირი, გაეროს განვითარების პროგრამის (UNDP) რეგიონული და ადგილობრივი განვითარების ხელშეწყობის პროექტის ფარგლებში, საქართველოს რეგიონული განვითარებისა და ინფრასტრუქტურის სამინისტრო ავსტრიის განვითარების თანამშრომლობის ფინანსური მხარდაჭერით.

პროექტის განხორციელების არეალია მარნეულისა და დმანისის მუნიციპალიტეტები.