სიახლეების გამოწერა

დმანისის მუნიციპალიტეტის თვითმმართველობის მხარდაჭერით, გაეროს განვითარების პროგრამის( UNDP Georgia)-სა და დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) ერთობლივი ინიციატივის ფარგლებში, ვაქცინებსა და ვაქცინაციის შესახებ საინფორმაციო შეხვედრები გაიმართა სოფლებში:

• დიდი დმანისი

• ვარდისუბანი

• კიზილქილისა

• განთიადი

სტუმრებმა დამსწრე აუდიტორიას ვაქცინაციის მნიშვნელობაზე, მითებსა და რეალობაზე ესაუბრნენ. შეხვედრა კითხვა-პასუხის რეჟიმში წარიმართა.

UNDP და დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ შეიქმნა მობილურ ბრიგადები, რომლებიც საქართველოს რეგიონებში საინფორმაციო შეხვედრებს ატარებენ, ხოლო ვაქცინირების მსურველებს ან ადგილზე ცრიან, ან ვაქცინირების უახლოეს ცენტრებამდე მათ ტრანსპორტირებას უზრუნველყოფენ.

დმანისის მუნიციპალიტეტის მერის, კობა მურადაშვილის ინიციატივითა და ადმინისტრაციულ ერთეულებში მერის წარმომადგენლების ჩართულობით უახლოეს მომავალში, დმანისის სოფლად მცხოვრები მოსახლეობის COVID 19 - ის საწინააღმდეგო ვაქცინაციის ჩატარების მიზნით, ვაქცინაციის პროცესში მობილური ამცრელი ჯგუფები ჩაერთვებიან.

"დმანისის მუნიციპალიტეტის მოსახლეობას, საშუალება ექნება სოფლიდან გაუსვლელად გაიკეთოს კოვიდ საწინააღმდეგო აცრა" - განაცხადა დმანისის მუნიციპალიტეტის მერმა, კობა მურადაშვილმა.

საინფორმაციო კამპანია „ავიცრათ სიცოცხლის გადასარჩენად“ 2021 წლის ბოლომდე გაგრძელდება.“