სიახლეების გამოწერა

დღეს, დმანისის მუნიციპალიტეტის მერიაში სამოქალაქო მრჩეველთა საბჭოს მორიგი სხდომა გაიმართა.

სხდომას დმანისის მუნიციპალიტეტის მერი კობა მურადაშვილი, საფინანსო საბიუჯეტო სამსახურის ხელმძღვანელთან, თემური ტატულაშვილთან ერთად ესწრებოდა. სხდომა კითხვა პასუხის რეჟიმში წარიმართა სადაც 2023 წლის ბიუჯეტის პროექტი განიხილეს. მერის მრჩეველთა საბჭო დმანისის მუნიციპალიტეტში მცხოვრები, სხვადასხვა ასაკისა და პროფესიის 10 ადამიანის შემადგენლობით არის დაკომპლექტებული. საბჭოს საქმიანობის მიზანია ადგილობრივი თვითმმართველობის განხორციელებაში მოქალაქეთა მონაწილეობის ხელშეწყობა, მერსა და მოსახლეობას შორის მჭიდრო ურთიერთობის უზრუნველყოფა და მოქალაქეთა ინტერესების წარმოდგენა. მერის სათათბირო ორგანო - სამოქალაქო მრჩეველთა საბჭო საქართველოს ორგანული კანონის ,,ადგილობრივი თვითმმართველობის კოდექსის“ მოთხოვნათა შესაბამისად მერის უფლებამოსილების ვადით შეიქმნა.