სიახლეების გამოწერა

გარემოს დაცვისა და სოფლის მეურნეობის მინისტრი ოთარ შამუგია, დმანისის მუნიციპალიტეტის მერთან კობა მურადაშვილთან და საკრებულოს თავმჯდომარესთან პაატა ყულიაშვილთან ერთად, სოფელ იაღულბოს წყალსაცავის სარეაბილიტაციო სამუშაოებს ადგილზე გაეცნო.

სამელიორაციო ინფრასტრუქტურული პროექტების ფარგლებში, შპს „საქართველოს მელიორაცია“ დმანისში, იაღულბოს წყალსაცავზე 7 მლნ ლარის ღირებულების პროექტს ახორციელებს. აღნიშნული სამუშაოები წყალსაცავის გამართულად ფუნქციონირებას უზრუნველყოფს. აღნიშნული წყალსაცავი სარწყავი წყლით დაახლოებით 3000 ჰექტარ სასოფლო-სამეურნეო მიწის ფართობს ამარაგებს.

მიმდინარე პროექტით დაგეგმილია კაშხლის წნევიანი ფერდის გამაგრება და მონოლითური რკინაბეტონის ფილებით მოპირკეთება, ტალღამრიდის დამცავი რკინაბეტონის 1600 მეტრი სიგრძის კედლის მოწყობა, წყალსაცავის სარეგულაციო კოშკზე ელექტრო განათების და ელექტრომექანიკური ამწე დანადგარების მოწყობა. ასევე, გათვალისწინებულია კაშხლის თხემზე ბეტონის 1,3 კმ სიგრძის სამანქანო გზის მშენებლობა.

სარეაბილიტაციო სამუშაოები 2024 წლის ბოლოს დასრულდება.