სიახლეების გამოწერა

დმანისში ახალგაზრდული ფორუმი ,,პროფესია და კარიერა" გაიმართა

ღონისძიება დმანისის მუნიციპალიტეტის მერის ახალგაზრდული სათათბიროს ორგანიზებით ჩატარდა და მიზნად ისახავდა მე-10, მე-11 და მე-12 კლასის მოსწავლეებისთვის პროფესიული და კარიერული დაგეგმვის საკითხებში დახმარებას.

ფორუმი განხორციელდა საქართველოს ახალგაზრდული საბჭოების ასოციაციის (სამასა) პროექტის ,,ახალგაზრდული საბჭოები იდეიდან - ცვლილებამდე" ფარგლებში, ახალგაზრდობის სააგენტოსა და დმანისის მუნიციპალიტეტის მერიის მხარდაჭერით.

ფორუმი შეაჯამეს ოფიციალურმა პირებმა და ორგანიზატორებმა. მონაწილეებს სიტყვით მიმართეს:

დმანისის მუნიციპალიტეტის მერმა, კობა მურადაშვილმა, მერიის განათლების, კულტურის, სპორტისა და ახალგაზრდობის საქმეთა სამსახურის უფროსმა, ნინო ომიაძემ და საქართველოს ახალგაზრდული მრჩეველთა საბჭოების ასოციაციას წარმომადგენლებმა: ნინო ყარალაშვილმა, ეკა გვარამიამ, ილია ფიფიამ.

კობა მურადაშვილმა ხაზი გაუსვა ახალგაზრდებისთვის მსგავსი ღონისძიებების მნიშვნელობას და გამოთქვა მზაობა მომავალშიც მხარი დაუჭიროს საგანმანათლებლო და კარიერული წინსვლის ინიციატივებს.