სიახლეების გამოწერა

დმანისის მუნიციპალიტეტის მერმა, კობა მურადაშვილმა, მოადგილეებთან და საკრებულოს თავმჯდომარესთან, პაატა ყულიაშვილთან ერთად, სოფელ დაგარახლოში ახალი სპორტული მოედანი და სკვერი გახსნა.

​პროექტის ფარგლებში, მოეწყო თანამედროვე სტანდარტების შესაბამისი სპორტული მოედანი, დამონტაჟდა გარე განათების სისტემა, მოეწყო საბავშვო ატრაქციონები, განთავსდა სკამები. სამუშაოები სრულად ადგილობრივი ბიუჯეტიდან დაფინანსდა და მისი საერთო ღირებულება 409 800 ლარს შეადგენს.

„ჩვენი მუნიციპალიტეტისთვის ახალგაზრდების ჯანსაღი მომავალი უმნიშვნელოვანესია. აღნიშნული სივრცე ხელს შეუწყობს სოფლის ახალგაზრდების სპორტით დაინტერესებასა და აქტიურ ცხოვრების წესს, ასევე ბავშვებისთვის უსაფრთხო და კომფორტულ გარემოს ქმნის გართობისთვის. ვაგრძელებთ ყველა სოფელში ინფრასტრუქტურული პროექტების განხორციელებას, რათა თითოეული მოქალაქის ცხოვრების პირობები გავაუმჯობესოთ“- აღნიშნა დმანისის მუნიციპალიტეტის მერმა, კობა მურადაშვილმა.