სიახლეების გამოწერა

მიმდინარე წლის 23-24 დეკემბერს თბილისში, სასტუმრო ,,იოტა“-ში საქართველოს პარლამენტის იურიდიულ საკითხთა კომიტეტის ორგანიზებით, მუნიციპალიტეტების წარმომადგენლებთან რეგიონალური შეხვედრა გაიმართა. შეხვედრის თემას წარმოადგენდა  2016 წელს საქართველოს პარლამენტის მიერ მიღებული  ,,ადრეული და სკოლამდელი აღზრდისა და განათლების შესახებ“ კანონის  მუნიციპალიტეტებში განხორციელების ხელშეწყობა. კანონით განისაზღვრა სკოლამდელი დაწესებულებებისათვის სავალდებულო ეროვნული სტანდარტები და რეგლამენტები, რომელთაგან 4 საქართველოს მთავრობამ 2017 წლის 27 ოქტომბერს  დაამტკიცა. ადგილობრივ დონეზე სკოლამდელ მომსახურებაზე, მართვაზე, დაფინანსებასა და მონიტორინგზე პასუხისმგებელნი კანონის თანახმად მუნიციპალიტეტები არიან.

შეხვედრის ამოცანას წარმოადგენდა კანონის, ეროვნული სტანდარტებისა და მათი პასუხისმგებლობის გაცნობასა და გამოცდილების გაზიარებაში დახმარება მუნიციპალიტეტებისათვის.

შეხვედრას ესწრებოდნენ დმანისის მუნიციპალიტეტის მერი გიორგი ტატუაშვილი, მერიის განათლების, კულტურის, სპორტისა და ახალგაზრდულ საქმეთა სამსახურის პირველი რანგის პირველადი სტრუქტურული ერთეულის ხელმძღვანელი  ეკატერინეოქრიაშვილი, საკრებულოს სოციალურ საკითხთა კომისიის თავმჯდომარე მურაზი აბრამიშვილი და დმანისის სკოლამდელი აღზრდისა და მეთოდური კოორდინაციის დაწესებულების ხელმძღვანელი ნინო ოქრიაშვილი.